Ғуломов Я.Ғ. Хоразмнинг суғорилиш тарихи. Қадимги замонлардан ҳозиргача

Тошкент: ЎзССР Фанлар академияси нашриёти, 1959. — 326 б.Ушбу асар археологик материал асосида Амударё этакларида сунъий суғоришнинг вужудга келиш ва унинг тараққий этиш тарихини ёритиб беришга биринчи марта ўлароқ уринишдир. Бу мақсадга эришишда проф. С. П. Толстов раҳбарлигидаги Хоразм археологик экспедициясининг ўтказган ишлари катта ёрдам берди; С. П. Толстовнинг бир қанча оғир масалаларни ечишда кўрсатган бениҳоя катта ёрдами учун автор ўзининг чексиз миннатдорлигини билдиради.
Хоразм ирригациясини ўрганиш вақтида қўлга киритилган тажриба ҳозир Бухоро воҳасида ва Фарғона водийсида қадим замонлардан бошлаб суғоришнинг тараққиёт босқичларини ўрганишда ёрдам беради, ўйлаймизки, бу тажриба бутун Узбекистоннинг ирригация тарихини ўрганишда ҳам ёрдам беради.
Автор Хоразмнинг суғориш тарихини 1950 йилгача ўрганди, шу сабабли 6у асарда Хоразм археологик экспедициясининг, айниқса охирги йилларда қўлга киритган самарали ишлари ҳақида деярли сўз юритилмайди.
Автор ушбу асарни ёзишда берган маслаҳатлари ва кўрсатган ёрдамлари учун академик В. В. Струве, академик И. А. Орбели, СССР Фанлар акаемиясининг корреспондент аъзоси К. В. Тревер ва тарих фанлари кандидати Н. Б. Байковага чин қалбидан ташаккур изҳор этади.