Нуржон Комил, Ҳасан Рузимбой. Жайҳун мироби. Хоразмлик биринчи ирригатор Муҳаммад ҳожи Аминаддин ҳаёти ҳакида чизгилар

Тошкент: Меҳнат, 1997. — 64 б.Инсоннинг ҳаёти сув билан бевосита боғлиқ. Сув одамзотга, унинг тирикчилик манбаи — табиатга, набобату ҳайвонотга ҳаёт бахш этувчи бебаҳо неъмат. Шу боисдан ҳам ота-боболаримиз уни ниҳоятда эъзозлашган. Бир қатрасини ҳам исроф қилишмаган. Сувдан унумли фойдаланиш мақсадида махсус мироблик лавозими жорий этилган.
Қўлингиздаги рисолада Хоразм ирригация тизими тарихида ўзига хос из қолдирган, бу илм сирларини Францияда ўрганиб келган биринчи ўзбек ирригатори, ўз даврининг йирик сиймоси — мироб Муҳаммад ҳожи Аминаддин ўғлининг ҳаёт йўли ва фожиали тақдири ҳақида сўз юритилади.