Nəvai Əlişir. Seçilmiş əsərləri

Bakı: Öndər, 2004. — 424 səh. — ISBN 9952-416-46-5.Ümumtürk ədəbiyyatının Xoca Əhməd Yəsəvi. İmadəddin Nəsimi, Məhəmməd Füzuli kimi qüdrətli söz ustaları sırasında klassik özbək ədəbiyyatının banisi, dahi şair və mütəfəkkir Əlişir Nəvainin adı ehtiramla çəkilir. Dostu şair Əbdürrəhman Caminin məsləhəti ilə Nizami mövzularından ibarət yazdığı “Xəmsə”dən başqa çağatay türkcəsində müəllifin özünün “Xəzayinül-nıəani" adını verdiyi dörd divan, farsca divan və s. yaradan mütəfəkkir şairin əsərləri öz bədıı-cstetik keyfiyyətlərinə görə bütün Yaxın və Orta Şərqdə yayılmış, türk xalqlarının şairləri üçün uzun əsrlər boyu sənətkarlıq örnəyinə çevrilmişdir.
Bir dövlət xadimi kimi də böyük nüfuza malik olan Nəvai sənəti sevdiyi və yüksək dəyərləndirdiyi üçün bir çox sənətkarlara hamilik etmiş, mədəniyyətin hərtərəfli inkişafına çalışmışdır.
Azərbaycan xalqının görkəmli şəxsiyyətləri Nəvaiyo yüksək qiymət vermiş, onu öz doğma sənətkarları hesab etmişlər.
Bu kitaba böyük özbək şairinin “Xəmsə”sindən üçüncü poema - məşhur “Fərhad və Şirin” əsəri ilə yanaşı dördüncü - “Yeddi səyyarə” poemasından parçalar daxil edilmişdir.